Pradpryjemstva «Elema» spyniaje vytvorčaść z 23 sakavika pa 4 krasavika. Pryčyny — niespryjalnaja sanitarna-epidemijałahičnaja abstanoŭka ŭ śviecie, abmiežavańnie ruchu praź miežy susiednich krain, časovaje źnižeńnie pakupnickaj aktyŭnaści.
Infarmacyju pra dvuchtydniovy prastoj «Našaj Nivie» paćvierdziŭ namieśnik dyrektara «Elemy» Hienadź Žurnievič. U najbližejšyja dva tydni prypyniajecca ŭsia vytvorčaść. Takija miery pryniali, kab zabiaśpiečyć finansavuju stabilnaść pradpryjemstva i abaranić zdaroŭje rabotnikaŭ.
«Padčas prastoju rabotniki buduć atrymlivać zarobki, usio zhodna z zakanadaŭstvam», — prakamientavaŭ namieśnik dyrektara.
Pamier zarobku padčas vymušanaha adpačynku — dźvie traciny ad akładu.
Ci jość vierahodnaść, što prastoj praciahnuć i paśla 4 krasavika?
«Pakul nieviadoma, budziem hladzieć pa situacyi», — adkazaŭ Hienadź Žurnievič.
Jon dadaŭ, što firmovyja kramy «Elemy» pracujuć u zvyčajnym režymie.