Ministerstva achovy zdaroŭja adreahavała na publikacyju «Našaj Nivy» pra śmierć žančyny ŭ Viciebsku. Nahadajem, svajaki žančyny skazali, što ŭ jaje byŭ karanavirus.
Čytajcie taksama: U Viciebsku pamierła 58-hadovaja žančyna ź pnieŭmanijaj. Svajaki: U jaje byŭ karanavirus. Minzdaroŭja: Covid-19 nie było
U Ministerstvie achovy zdaroŭja paćviardžajuć, što pacyjentku špitalizavali 15 sakavika. Žančyna nikudy z krainy nie vyjazdžała. Pastupała jana ź pieršasnym dyjahnazam «pnieŭmanija», tempieratura była na praciahu tydnia. U anamniezie — cukroŭka, arteryjalnaja hipiertenzija, chraničny branchit i padvyšanaja masa cieła. U suviazi z tym, što joj pry pastupleńni byŭ vystaŭleny dyjahnaz «pnieŭmanija», daktary, vykonvajučy zahad Ministerstva achovy zdaroŭja (usie pnieŭmanii typujucca na karanavirus), uziali ŭ jaje mazok. Taki ž analiz prapanavali zdać blizkim svajakam. Na nastupny dzień pryjšoŭ admoŭny vynik na analiz pacyjentki, paviedamlaje Ministerstva achovy zdaroŭja. Svajaki atrymajuć vyniki na nastupnym tydni.
U suviazi z tym, što ŭ hety čas balnicu pieraprafiliravali na pracu z vostrymi pnieŭmanijami i virusnymi infiekcyjami, supracoŭniki zhodna z zahadam Minzdaroŭja abaviazany abśledavacca raz u dva tydni.
Abaviazkovy karancin ni muž, ni inšyja svajaki (uličvajučy, što jany byli na pachavańni) nie abaviazany vykonvać.
