Što z pahraničnikami, jakich pierakidali na hranicu z Rasijaj?
«Naša Niva» paviedamlała, što paśla rašeńnia Rasii pra zakryćcio miažy ź Biełaruśsiu da adpraŭki na ŭschodniuju i paŭnočnuju hranicy našaj krainy rychtavali sotni pahraničnikaŭ ź inšych miežaŭ RB.
My zrabili takuju vysnovu na pastavie paviedamleńniaŭ aficeraŭ, jakija raskazvali, što ich unosiać u śpisy słužačych, ź jakich, mierkavana, buduć składzienyja źmieny dla arhanizacyi pahraničnaha kantrolu na hranicy z Rasijaj.
Dalej padziei raźvivalisia tak: niekatoryja ludzi, sapraŭdy, ekstrana vyjechali na ŭschod i «načavali ŭ sacyjalnych abjektach», inšyja — rychtavalisia jechać.
Ale paru dzion tamu stała viadoma, što ŭsio admianiajecca.
Šarahovamu składu pryčyny admieny rašeńnia nie patłumačyli.
Vyhladaje, što pahraničny kantrol na hranicy z Rasijaj pakul arhanizavany ŭsio ž nie budzie.
«Naša Niva» paprasiła aficyjnaha pradstaŭnika DPK Antona Byčkoŭskaha raskazać, čamu tak atrymałasia.
«Pahraničnaje viedamstva ŭ hetym dačynieńni orhan vykanaŭčy, budzie rašeńnie adpaviednaje — budziem jaho vykonvać, — skazaŭ Byčkoŭski. — Hetaje pytańnie pa-za kampietencyjaj słužby DPK: kamientavać pryniaćcie ci nie pryniaćcie peŭnaha rašeńnia adkaznymi asobami.
Adzinaje, što mahu skazać: varyjanty byli samyja roznyja, i navat kiraŭnik dziaržavy z hetaj nahody kazaŭ, što pavinien być i płan A, i B, i C, i hetak dalej, na ŭsie vypadki, kali heta možna spatrebicca.
My sa svajho boku možam skazać, što pahraničnaje viedamstva hatovaje da luboha raźvićcia padziej i luboj kamandy i budzie vyrašać zadačy ŭ novaj abstanoŭcy».
Pahraničny kamitet pry hetym nie hatovy paćvierdzić ci abvierhnuć śćvierdžańnie pra toje, što peŭnyja pahraničniki na miažy z Rasijaj prysutničajuć.
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała12
Kamientary