Siońnia Dzień Voli. 102 hady tamu biełarusy ŭpieršyniu abviaścili niezaležnaść
Siońnia adznačajecca Dzień Voli. 102 hady tamu, ranicaj 25 sakavika ŭ 1918 hodzie, va ŭmovach niamieckaj akupacyi ŭ Miensku była simvalična abvieščana niezaležnaść Biełaruskaj Narodnaj Respubliki.
Kali b nie było BNR, nie było b i BSSR. I mahło b nie być niezaležnaj Biełarusi.
U Biełarusi na aficyjnym uzroŭni Dzień Voli nie adznačajecca. Zatoje niezaležnaja hramadskaść tradycyjna ładziła svaje śviatkavańni. Ale sioleta ci nie ŭpieršyniu za 30 hadoŭ, a na emihracyi — upieršyniu za 70 mierapryjemstvy admienienyja. Z-za pahrozy karanavirusa.
Tamu miarkujecca ich pravodzić u anłajn-farmacie.
A 18-j hadzinie prapanujecca dałučycca da anłajn-śviata «Hodny Dzień Voli» z dapamohaj telefonaŭ, kampjutaraŭ i televizaraŭ. Tranślacyja pačniecca a 18.00 na sajcie Hodna.by i va ŭsich sacyjalnych sietkach prajekta.
Jak samastojna adśviatkavać Dzień Voli? Jość paračka idej ad arhanizataraŭ:
- raźmiaścić nacyjanalnyja simvały Biełarusi na svaim bałkonie, u aŭto, aknie kvatery ci dvary doma,
- pavinšavać z Dniom Voli siabroŭ, rodnych i znajomych u sacyjalnych sietkach, na pracy ci ŭ navučalnaj ustanovie,
- uviečary 25 sakavika a 21:00 zapuścić śviatočny fiejervierk,
- arhanizavać samastojnaje adznačeńnie Dnia Voli ŭ siamiejnaj ci siabroŭskaj kampanii (a anłajn-tranślacyja dadaść vašamu śviatkavańniu adčuvańnie suviazi z usimi biełarusami, jakija padtrymajuć hety płan, abiacajuć arhanizatary).
A 20-j hadzinie Lavon Volski daść anłajn-kancert.
-
Rasijanina zatrymali na miažy Biełarusi ź Litvoj z hruzam vintažnaha posudu
-
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
-
«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary