Hałoŭny trenier łondanskaha «Arsienała» Arsien Vienhier miarkuje, što nie pamyliŭsia z rašeńniem raźvitacca ŭ mižsiezońnie z šeraham vopytnych futbalistaŭ
[u tym liku, vidać, i z Alaksandram Hlebam, što pierajšoŭ u katałonskuju «Barsiełonu» - NN] i zrabić staŭku na moładź.
«Vyrašyŭšy znoŭ uziacca za budavańnie maładoj kamandy, ja cudoŭna razumieŭ, što budu pad abstrełam žorstkaj krytyki. Byŭ hatovy da hetaha. Ja uściešany, što nie pamyliŭsia z vybaram. Ale napieradzie u nas jašče doŭhi šlach i šmat pracy. Pryjdziecca jašče šmat čamu pavučycca», — cytuje słovy francuzskaha śpiecyjalista Sport‑Ekspriess, spasyłajučysia na aficyjny sajt kłuba.
***
Paśla 30 turaŭ «Arsienał» z 55 bałami zajmaje 4‑ie miesca ŭ čempijanacie Anhlii, hetaje miesca daje pucioŭku ŭ Lihu čempijonaŭ na nastupny siezon. Adstavańnie ad «Čełsi», što idzie trecim, składaje šeść punktaŭ.
Kamanda praciahvaje vystup u sioletnim rozyhryšy Lihi čempijonaŭ (u čverćfinale zhulaje ź ispanskim «Viljareałam», matčy - 7 i 15 krasavika),
a taksama ŭ Kubku Anhlii. U paŭfinale, darečy, nas čakaje supiermatč: «Arsienał» — «Čełsi» (18 krasavika).
«Arsienał» byŭ zasnavany ŭ 1886 h.
Kłub bazujecca na paŭnočnym zachadzie Łondana, akurat u hetym rajonie mieściacca niekalki biełaruskich damoŭ (Skarynaŭskaja biblaiteka, Maryjan‑Chaŭs, Biełaruski dom). Naprykład, ź Biełaruskaha doma bačna kłubnaja arena - «Emirejts» (Ešbertan Hroŭv)
«Arsienał» — 13‑razovy čempijon Anhlii, apošni raz braŭ tytuł u 2004 h. (u tym liku za Arsienam Vienhieram trojčy).
U 2006 h. «Arsienał» dajšoŭ da finała Lihi čempijonaŭ, dzie sastupiŭ «Barsiełonie».
Alaksandr Hleb pravioŭ u kłubie try siezony: 2005/2006, 2006/2007, 2007/2008. Zhulaŭ za kłub 89 matčaŭ, zabiŭ siem miačoŭ.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii
Kamientary