Čutki pra COVID-19 raspaŭsiudžvajucca jak virus i patrabujuć žorstkaj reakcyi. Takoje mierkavańnie karespandentu BiełTA vykazaŭ staršynia Pastajannaj kamisii pa adukacyi, navucy i kultury Pałaty pradstaŭnikoŭ Ihar Marzaluk.
Parłamientaryj ličyć, što ludzi, jakija śviadoma raspaŭsiudžvajuć u sacsietkach fejki pra situacyju z karanavirusam, pavinny nieści za heta adkaznaść.
«Samaje ahidnaje, što jany kapitalizujuć ludski strach, banalna zarablajuć na im hrošy. Čutki raspaŭsiudžvajucca jak virus i paradžajuć paniku. Procistajać hetamu pavinny sistemnaja rabota Ministerstva achovy zdaroŭja ŭ častcy infarmavańnia nasielnictva i strohaja pryncypovaja pazicyja Mininfarma. Jana zaklučajecca ŭ tym, kab inicyjavać kryminalnyja i administracyjnyja spravy», — skazaŭ deputat. Zakanadaŭčyja ryčahi dla hetaha jość, dadaŭ jon.
«Treba być maksimalna adkrytymi i apieratyŭna reahavać na luboje łžyvaje paviedamleńnie pra ciažkuju situacyju ŭ jakim-niebudź rehijonie ci balnicy. Pazicyja Ministerstva achovy zdaroŭja i Mininfarma pavinna być hałoŭnaj, kuryrujučaj i vyznačalnaj. Adziny sposab procistajać fejkam — davać infarmacyju jak maha bolš i apieratyŭniej», — padkreśliŭ parłamientaryj.
