Śviet1414

Rasija i Saudaŭskaja Aravija damovilisia pa nafcie, ale niečakana ŭmiašałasia Mieksika

Virtualnaja sustreča krain APIEK+, jakaja zaciahnułasia na 10 hadzin ź viečara čaćviarha da rańniaj ranicy piatnicy, zaviaršyłasia pahadnieńniem bolšaści. Hałoŭnym čynam, damovicca ŭdałosia Rasii i Saudaŭskaj Aravii, jakija źniziać zdabyču na 23% da adnolkavaha ŭzroŭniu — 8,5 młn baralaŭ u sutki, piša tass.ru.

Usiaho krainy aljansu zamacavali abmiežavańni da krasavika 2022 hoda. Zaklučyć histaryčnuju ździełku da kanca niečakana pieraškodziła Mieksika.

Nasupierak skiepsisu analitykaŭ, Rasija i Saudaŭskaja Aravija na sustrečy ŭ čaćvier usio ž zmahli damovicca ab skaračeńni zdabyčy. Abiedźvie krainy skarociać zdabyču na 2,5 młn baralaŭ u sutki — da 8,5 młn baralaŭ u sutki. Pry hetym za bazavy ŭzrovień ŭziatyja 11 młn baralaŭ u sutki ŭ abodvuch vypadkach.

Usiaho krainy aljansu APIEK+, jak i čakałasia, źniziać zdabyču na 10 młn baralaŭ u sutki na praciahu maja-červienia. Zatym ź lipienia pa śniežań uklučna sumarny abjom skaračeńnia źnižajecca da 8 młn baralaŭ u sutki, a sa studzienia 2021 da kanca krasavika 2022 hoda — da 6 młn baralaŭ u sutki. Dla ŭsich udzielnikaŭ (za vyklučeńniem Rasii i Saudaŭskaj Aravii) uzrovień adsiačeńnia zdabyčy vyznačajecca kastryčnikam 2018 hoda. Pamier kvot praparcyjny dla ŭsich — 23% ad bazavaha ŭzroŭniu.

Histaryčna amal nivodnaje pasiadžeńnie APIEK+ nie abychodzicca bieź niečakanaściaŭ. I, kali ŭ hety raz naziralniki čakali doŭhich debataŭ pamiž rasijskim i saudaŭskim pradstaŭnikami, a taksama rezkich zajaŭ ad Irana, to ciažkaści źjavilisia ź niečakanaha boku.

Na čaćviortaj hadzinie pieramoŭ vyjaviłasia, što pradstaŭniki troch krain aljansu nie zhodnyja skaračać vytvorčaść nafty na 23%. Siarod ich apynułasia Mieksika, jakuju na pieramovach pradstaŭlała ministr enierhietyki Rosia Nału, adzinaja žančyna ŭ mužčynskim kłubie vytvorcaŭ nafty.

Zhodna z płanam APIEK+, Mieksicy prapanoŭvałasia źnizić zdabyču ad uzroŭniu 1,75 młn baralaŭ u sutki, adnak u čaćviortym kvartale 2019 hoda paŭnočnaamierykanskaja kraina vyrablała kala 1,95 młn baralaŭ u sutki, heta značyć na 200 tys. bolš. Na ŭhavory Nału syšło bolš za čatyry hadziny, amal pałovu času ŭsiaho pasiedžańnia. Jana patrabavała zrabić dla Mieksiki vyklučeńnie, albo ŭ advarotnym vypadku kraina pakinie pasiedžańnie.

Prykładna a 2-j hadzinie nočy pa maskoŭskim časie, nie znajšoŭšy razumieńnia z boku kalehaŭ-ministraŭ, Nału vyjšła z kanfierencyi «z hnievam». Ministry APIEK+ patracili jašče dźvie hadziny na toje, kab padrychtavać kamiunikie.

U vypuščanym kala 4-j zajavie havaryłasia, što ździełka ab skaračeńni zdabyčy na ​​10 młn barelaŭ u sutki zachoŭvaje siłu, ale patrabuje ŭzhadnieńnia ź Mieksikaj. Pieramovy praciahnucca ŭ ramkach viebinara krain G20, jaki zapłanavany na siońnia.

Kamientary14

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ2

Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ

Usie naviny →
Usie naviny

Pamior Edvard Zajkoŭski8

Asudžany za «Hajun» da chimii brat Ihara Łosika ŭciok ź Biełarusi10

«Sam by pajšoŭ vajavać, kali b hałava nie kružyłasia». Eduard Małafiejeŭ raskazaŭ pra svaje kryŭdy, Łukašenku i vajnu15

Čamu Łukašenka nie Alijeŭ13

Pad Hrodnam znajšli lisičku, jakaja prarasła praz čerap

Ceny na kvitki ŭ Vilniu ŭražvajuć. Čamu dabracca da Litvy našmat daražej, čym da Varšavy i Maskvy2

Minskaja mastačka stvaryła ŠI-animacyju ź Simpsanami ŭ Breście2

Ukrainski ŭchilist ad vojska raskazaŭ, jak ź im abychodzilisia homielskija pamiežniki5

U Šviejcaryi zaŭvažyli cełuju hrupu turystaŭ u nacysckaj formie8

bolš čytanych navin
bolš łajkanych navin

Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ2

Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić