75‑hadovy jubilej siońnia śviatkuje Kastuś Ćvirka. Litaratar, jaki svoj tvorčy šlach pačynaŭ ź vieršaŭ, ale vydaŭšy niekalki ŭchvalenych krytykaj paetyčnych knih, zaniaŭsia navukaj. Abaraniŭšy kandydackuju, zachapiŭsia pierakładami, adkryŭšy čytačam cudoŭnuju polskamoŭnuju paeziju biełaruskich paetaŭ dzieviatnaccataha stahodździa. A ŭ 1996 hodzie stvaryŭ unikalny vydaviecki prajekt — «Biełaruski knihazbor».
Havoryć Kastuś Ćvirka: «Asnoŭnaja ciapier u mianie zadača — heta vydać «Biełaruski knihazbor«, seryju knih našaj klasyki. Niadaŭna vyjšaŭ tom vybranych tvoraŭ Ryhora Baradulina, padrychtavany i zdadzieny ŭžo ŭ vytvorčaść tom Anatola Viarcinskaha, ciapier rychtujecca tom vybranych tvoraŭ Niła Hileviča, na čarzie — Hienadź Buraŭkin. Užo vydali 45 tamoŭ. A siły daje žadańnie zrabić hetuju seryju, kab ludzi ŭbačyli, jakaja ŭ nas u Biełarusi vialikaja litaratura, litaratura staražytnaja i šmathrannaja».
Kamientary