Navukoŭcy: Karanavirus u 50—70% vypadkaŭ pieradajecca ad bieśsimptomnych nośbitaŭ
Navukoŭcy ź Sinhapura ličać, što pieradača karanavirusa moža adbyvacca ad bieśsimptomnych nośbitaŭ prykładna ŭ 70% vypadkaŭ, piša tass.ru.
«Daśledavańni pakazvajuć, što ad 50% da 70% užo infikavanych COVID-19 nie majuć nijakich simptomaŭ, u takim stanie jany mohuć znachodzicca da čatyroch tydniaŭ, pašyrajučy pry hetym virus», — adznačyŭ śpiecyjalist pa infiekcyjnych zachvorvańniach Lijon Noe Nam. Praŭda, na jaho dumku, «navat kali bieśsimptomnyja nośbity ŭ kančatkovym vyniku nie pierachvarejuć, jany zmohuć vypracavać imunitet, choć na heta spatrebicca niekalki hadoŭ».
Vykanaŭčy dyrektar nacyjanalnaha centra infiekcyjnych zachvorvańniaŭ Lea I Siń ličyć, što «pieradača virusa ad bieśsimptomnych nośbitaŭ źjaŭlajecca adnym z hałoŭnych vyklikaŭ u baraćbie z karanavirusam». Pavodle jaje słoŭ, «adsutnaść ci zbłytanyja simptomy čaściakom pryvodziać nośbitaŭ u zman adnosna svajho stanu, i jany praciahvajuć zvyčajnuju žyćciadziejnaść, nie ŭśviedamlajučy niebiaśpieku pašyreńnia infiekcyi».
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3636
Kamientary