Uradavy štab zaćvierdziŭ pašyreńnie režymu nadzvyčajnaha stanovišča z-za karanavirusa na ŭsiu terytoryju Japonii da 6 maja, piša TASS.
Asnoŭnaj metaj hetych mier źjaŭlajecca skaračeńnie pieramiaščeńnia žycharoŭ Japonii ŭ pieryjad śviataŭ u kancy krasavika — pačatku maja. Ministr achovy zdaroŭja taksama adznačyŭ, što ŭ šmatlikich prefiekturach kolkaść vypadkaŭ zaražeńnia pieravysiła 100, što kaža pra rost maštabaŭ raspaŭsiudžvańnia infiekcyi.
Z 8 krasavika ŭ Tokia i prylehłych da jaho prefiekturach Kanahava, Sajtama i Ciba, prefiekturach Osaka i Chioha na paŭdniovym zachadzie hałoŭnaha japonskaha vostrava Chansiu i ŭ prefiektury Fukuoka na vostravie Kiusiu pačaŭ dziejničać režym NS, abvieščany premjer-ministram Sindza Abe. Režym nie praduhledžvaje jakich-niebudź žorstkich abmiežavalnych mier, razam z tym zakrylisia mnohija sacyjalnyja abjekty i zabaŭlalnyja ŭstanovy.
Paźniej na anałahičny krok pajšli ŭłady prefiektur Isikava, Fukua i Chakajda.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)