Jakoje nadvorje 1 krasavika, takoje ž budzie i 1 kastryčnika, i naadvarot.
Kali ŭnačy 1 krasavika nie vidać zorak — čakaj ciopłaha nadvorja.
Darja — «brudnyja pałonki». Takuju nazvu hety dzień atrymaŭ za vielmi chutkaje rastavańnie śniehu ŭ hety čas. Usie viaskovyja ściažynki byli vielmi ciažkija.
«Ad Dar'i pałotny bielać» — na apošnija marazy i śnieh sialanie vynosili bialić pałotny.
U Biełarusi ŭ niekatorych rehijonach 1 krasavika sustrakali viasnu.
«Kali 1 krasavika nie padmanieš, kali ž jašče čas znojdzieš?». Kožny hod 1 krasavika my adznačajem z humaram, viasiołymi žartami. Moža, zasnavalnicaj takoj tradycyi stała sama pryroda ź jaje viasnovymi niepradkazalnaściu i źmienlivaściu? Ludzi imknulisia zadobryć jaje ahulnaj radaściu, uśmieškami, kab nadvorje źmianiła svoj nastroj i adahnała ciomnyja abłoki.
U narodzie vieryli: kali ŭ hety dzień padmanuć 12 čałaviek, to ŭsie nastupnyja 12 miesiacaŭ vam budzie ščascić. Kali ž nie padmanuć nikoha — uvieś hod ščaścia nie budzie.
Narodnyja lekary pieraścierahali ad užyvańnia tłustaj ježy 1 krasavika, kab paśla 35 hadoŭ nie nabrać zališniaj vahi.
