Hałoŭny epidemijołah ZŠA: Kolkaść pamierłych ad karanavirusa zanižana, budzie novaja chvala pandemii
Viadučy epidemijołah ZŠA Entani Faŭčy zajaviŭ, što realnaja kolkaść pamierłych ad karanavirusa, chutčej za ŭsio, vyšejšaja, čym paviedamlaje aficyjnaja statystyka, pieradaje CNN.
«Bolšaść z nas ličyć, što kolkaść śmiarotnych vynikaŭ, vierahodna, pieravyšaje biahučyja danyja», — skazaŭ jon.
Pa słovach Faŭčy, u aficyjnuju statystyku śmiarotnaści, mahčyma, nie ŭklučyli amierykancaŭ, jakija pamierli doma i ŭ jakich karanavirus nie byŭ dyjahnastavany.
Faŭčy padkreśliŭ, što ŭvosień ci ŭzimku «całkam mahčyma» druhaja chvala zachvorvańnia.
«I pryčyna ŭ tym, što kali vy pytajecie pra toje, ci źniknie virus, to, jak ja nieadnarazova zajaŭlaŭ, hetaha prosta nie adbudziecca, tamu što virus vielmi zarazny», — zajaviŭ jon.
Kamientary