Dva čałavieki zahinuli 12 maja ŭ vyniku sutyknieńnia dvuch Volkswagen Passat na MKAD, paviedamili ŭ Śledčym kamitecie.
68-hadovy mužčyna za rulom aŭto Volkswagen Passat B3 jechaŭ u rajonie 33-ha km źniešniaha boku MKAD i, bieručy inšuju pałasu, urezaŭsia ŭ Volkswagen Passat B5, jaki ruchaŭsia ŭ tym ža kirunku. Ad mocnaha ŭdaru pa korpusie aŭtamabila pieršaje aŭto ŭlacieła ŭ mietaličnuju aharodžu.
U vyniku avaryi ad atrymanych traŭmaŭ 70-hadovaja pasažyrka Volkswagen Passat B3 pamierła na miescy zdareńnia. Paźniej jaje muž, jaki znachodziŭsia za rulom aŭto, pamior u balnicy.
Pravodzicca pravierka.
Pravaachoŭniki prosiać hramadzian, jakija stali vidavočcami avaryi albo majuć niejkuju infarmacyju ab DTZ, padzialicca hetaj infarmacyjaj pa telefonach: (8017) 389-55-55 i (8033) 333-67-19.
