Staršynia partyi «Hramada» Siarhiej Čeračań 12 maja abjeździŭ čatyry harady Viciebskaj vobłaści (Orša, Viciebsk, Navapołack i Połack), kab sustrecca sa svaim aktyvam napiaredadni prezidenckich vybaraŭ.
Padčas sustrečy ŭ Viciebsku na stale, za jakim siadzieŭ palityk, stajaŭ rasijski ściažok. Naturalna, heta adrazu vyklikała niehatyŭnuju reakcyju karystalnikaŭ sacsietak.
Fota vitebskspring.org
«My byli ŭ haściach u našaha siabra inicyjatyŭnaj hrupy. Heta ofis adnoj spartyŭnaj arhanizacyi, jaje kiraŭnik raniej słužyŭ na fłocie, tamu tam stajaŭ i ściah vajskova-marskoha fłota. My nie suprać Rasii, my nie suprać Jeŭrasajuza. Toje, što taki ściah stajaŭ na sustrečy, ničoha strašnaha, nijakaha niehatyvu ŭ hetym nie baču.
Na sustrečach MZS našy dypłamaty taksama siadziać za stałom z rasijskim ściaham, i nikoha heta nie aburaje. Heta pohlady siabra našaj inicyjatyŭnaj hrupy, jon maje prava na ich. Na hetym miescy moh by być i ściah Jeŭrasajuza, i hieorhijeŭskaja stužka. Čamu my pavinny kahości abmiažoŭvać? Hałoŭnaje — hetyja ludzi padtrymlivajuć nas», — adznačyŭ Čeračań.
Pa słovach kiraŭnika «Hramady», u jaho inicyjatyŭnuju hrupu ŭžo zapisałasia kala 900 čałaviek. Jon spadziajecca, što da piatnicy hetaja ličba vyraście da 1200.
Padavać śpis inicyjatyŭnaj hrupy na rehistracyju Čeračań płanuje ŭviečary 15 maja.
Čytajcie taksama:
Biznesmien-kamunist, jaki padabraŭ partyju Šuškieviča, sabraŭsia ŭ prezidenty. Što heta za frukt?
Kandydat u prezidenty Čeračeń raspavioŭ, jak byŭ kamunistam, demakratam i aficyjantam u Krymie. Vialikaja hutarka
«Če» Čeračań nabraŭ 400 čałaviek, budzie płacić pa 1 rubli za podpis
