«Нічога кепскага не бачу»: у Віцебску «Чэ» Чэрачань сустракаўся з прыхільнікамі пад расійскім сцягам
Старшыня партыі «Грамада» Сяргей Чэрачань 12 мая аб’ездзіў чатыры гарады Віцебскай вобласці (Орша, Віцебск, Наваполацк і Полацк), каб сустрэцца са сваім актывам напярэдадні прэзідэнцкіх выбараў.
Падчас сустрэчы ў Віцебску на стале, за якім сядзеў палітык, стаяў расійскі сцяжок. Натуральна, гэта адразу выклікала негатыўную рэакцыю карыстальнікаў сацсетак.
«Мы былі ў гасцях у нашага сябра ініцыятыўнай групы. Гэта офіс адной спартыўнай арганізацыі, яе кіраўнік раней служыў на флоце, таму там стаяў і сцяг вайскова-марскога флота. Мы не супраць Расіі, мы не супраць Еўрасаюза. Тое, што такі сцяг стаяў на сустрэчы, нічога страшнага, ніякага негатыву ў гэтым не бачу.
На сустрэчах МЗС нашы дыпламаты таксама сядзяць за сталом з расійскім сцягам, і нікога гэта не абурае. Гэта погляды сябра нашай ініцыятыўнай групы, ён мае права на іх. На гэтым месцы мог бы быць і сцяг Еўрасаюза, і георгіеўская стужка. Чаму мы павінны кагосьці абмяжоўваць? Галоўнае — гэтыя людзі падтрымліваюць нас», — адзначыў Чэрачань.
Па словах кіраўніка «Грамады», у яго ініцыятыўную групу ўжо запісалася каля 900 чалавек. Ён спадзяецца, што да пятніцы гэтая лічба вырасце да 1200.
Падаваць спіс ініцыятыўнай групы на рэгістрацыю Чэрачань плануе ўвечары 15 мая.
Чытайце таксама:
Бізнэсмен-камуніст, які падабраў партыю Шушкевіча, сабраўся ў прэзідэнты. Што гэта за фрукт?
Кандыдат у прэзідэнты Чэрачэнь распавёў, як быў камуністам, дэмакратам і афіцыянтам у Крыме. Вялікая гутарка
«Чэ» Чэрачань набраў 400 чалавек, будзе плаціць па 1 рублі за подпіс
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна11
Каментары