U memaryjalnym kompleksie Kurapaty nieviadomyja złačynca raskapali dźvie mahiły. Jany vyciahnuli z mahiły pareštki ludziej — kostki, čarapy, vopratku , abutak — i pakinuli ich raskidanymi na žviry.
Pieršym heta zaŭvažyŭ aktyvist KCHP BNF Uładzimier Jucho. Siońnia ranicaj na miesca złačynstva prybyła karespandentka Radyjo Svaboda i vyklikała supracoŭnikaŭ milicyi.
Złačyncy pakinuli ślady, vidać, što jany śpiašalisia. Na miesca zdareńnia pryjechaŭ staršynia Biełaruskaha dobraachvotnaha tavarystva achovy pomnikaŭ historyi i kultury nton Astapovič. Jon vykazaŭ mierkavańnie, što heta byli tak zvanyja «čornyja kapalniki», jakija spadziavalisia znajści niejkija kaštoŭnyja rečy.
Spadar Astapovič pryhadaŭ, što hitleraŭcy pierad rastrełam adbirali ŭsie kaštoŭnyja rečy i navat vyryvali załatyja karonki, a supracoŭniki NKVD, kał vieźli na rastreł, ničoha nie kazali i dazvalali brać z saboj niekatoryja kaštoŭnyja rečy.
Na miesca złačynstva pryjechali kiraŭnik RUUS Minskaha rajonu Viktar Maisiejeŭ i jaho namieśnik Michaił Hryb.
