Яны вырылі дзве ямы глыбінёй у чалавечы рост і павыкідвалі чалавечыя косткі.
У мэмарыяльным комплексе Курапаты невядомыя злачынца раскапалі дзьве магілы. Яны выцягнулі з магілы парэшткі людзей — косткі, чарапы, вопратку , абутак — і пакінулі іх раскіданымі на жвіры.
Першым гэта заўважыў актывіст КХП БНФ Уладзімер Юхо. Сёньня раніцай на месца злачынства прыбыла карэспандэнтка Радыё Свабода і выклікала супрацоўнікаў міліцыі.
Злачынцы пакінулі сьляды, відаць, што яны сьпяшаліся. На месца здарэньня прыехаў старшыня Беларускага добраахвотнага таварыства аховы помнікаў гісторыі і культуры нтон Астаповіч. Ён выказаў меркаваньне, што гэта былі так званыя «чорныя капальнікі», якія спадзяваліся знайсьці нейкія каштоўныя рэчы.
Спадар Астаповіч прыгадаў, што гітлераўцы перад растрэлам адбіралі ўсе каштоўныя рэчы і нават вырывалі залатыя каронкі, а супрацоўнікі НКВД, кал везьлі на растрэл, нічога не казалі і дазвалялі браць з сабой некаторыя каштоўныя рэчы.
На месца злачынства прыехалі кіраўнік РУУС Мінскага раёну Віктар Маісееў і яго намесьнік Міхаіл Грыб.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў45
Каментары