Samyja cikavyja ajčynnyja niebiełaruskamoŭnyja vykanaŭcy roznych stylaŭ zapišuć svaje abranyja hity dla «Pierazahruzki» pa‑biełarusku.
Internet‑partał «Tuzin Hitoŭ» i hramadzkaja kampanija «Budźma biełarusami» pačynajuć novy ŭnikalny muzyčny prajekt «Tuzin.Pierazahruzka». Samyja cikavyja ajčynnyja niebiełaruskamoŭnyja vykanaŭcy roznych stylaŭ zapišuć svaje abranyja hity dla «Pierazahruzki» pa‑biełarusku.
Ciapier muzyki, da jakich źviarnulisia arhanizatary prajektu, revizujuć svaju tvorčaść dy vyznačajucca z tym z svaich hitoŭ, jakomu nakanavana nabyć druhoje ci paralelnaje žyćcio. Pierazahruzicca ŭ biełaruskamoŭny śviet pahadzilisia najlepšyja pradstaŭniki ŭ svaich kirunkach: zorki biełaruskaj pop‑sceny i cikavyja alternatyŭnyja vykanaŭcy. Usich ich łučyć adno — aryhinalnaść materyjału, prafiesijnaść u muzyčnym padychodzie i žadańnie eksperymentavać.
«My razumiejem, što začaravać moža muzyka choć na jakoj movie, kali heta zroblena talenavita, — kaža aŭtar prajektu, hałoŭny redaktar partału «Tuzin Hitoŭ» Siarhiej Budkin. — Ale nam chočacca, kab ulubionyja publikaj hity, stvoranyja tut, prahučali z novaj siłaj i na našaj movie».
Nastupny etap prajektu — pieraasensavańnie na biełaruski ład tvorčaści abranych udzielnikaŭ, jakim zojmiecca kamanda pierakładčykaŭ‑prafesijanałaŭ. Paśla dasiahnieńnia litaraturnaha ŭzajemaparazumieńnia nadyjdzie čarha ruplivaj studyjnaj pracy.
«Sutnaść hetaha prajektu, jak i słova «Pierazahruzka«, adpaviadajuć metam našaj kampanii, — kaža kaardynatar kampanii «Budźma» Alena Makoŭskaja. — A heta mienavita pahružeńnie rasiejskamoŭnaj aŭdytoryi ŭ śviet biełaruskaha Słova, demanstracyja sučasnaści, i perspektyŭnaści našaj kultury, spryjańnie kansalidacyi ŭ hramadztvie».
Usie pieśni prajektu buduć publična prezentavacca na internet‑partale «Tuzin Hitoŭ» i sajcie kampanii «Budźma biełarusami». Sačycie štotydnia za raźvićciom padziejaŭ.
Pieršy ŭdzielnik prajektu budzie pradstaŭleny publicy 9 krasavika.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary