Alaksandr Łukašenka siońnia ŭ pačatku pasiadžeńnia Vyšejšaha Jeŭrazijskaha ekanamičnaha savieta adznačyŭ, što pakul nieŭrehulavanym zastajecca pytańnie cenaŭtvareńnia na pasłuhi pa transparciroŭcy hazu na ahulnym rynku JEAES, piša BIEŁTA.
«Nieŭrehulavanym zastajecca pytańnie cenaŭtvareńnia na pasłuhi pa transparciroŭcy hazu na ahulnym rynku JEAES. Z kančatkovym uzajemaprymalnym rašeńniem my nie možam vyznačycca ŭžo niekalki hadoŭ. Prytym što aktualnaść prablemy pastajanna ŭzrastaje. Siońnia my pavinny znajści patrebny nam usim kansiensus», — padkreśliŭ biełaruski kiraŭnik.
Havoračy pra paradak dnia pasiadžeńnia, jon adznačyŭ, što hałoŭnym pytańniem źjaŭlajecca pryniaćcie stratehičnych napramkaŭ raźvićcia jeŭrazijskaj ekanamičnaj intehracyi da 2025 hoda. «Hety dakumient — heta adnačasova i płan dziejańniaŭ pa pahłybleńni adnosin, i svajho rodu pavarotny punkt na šlachu adnaŭleńnia i pavyšeńnia tempaŭ raźvićcia ekanomik našych krain», — skazaŭ Alaksandr Łukašenka.
Jon zaŭvažyŭ, što padrychtoŭka dakumienta išła składana, ale ŭ cełym bakam udałosia vyjści na ŭzhodnienyja rašeńni pa ŭsich kirunkach pahłybleńnia intehracyi. U hetaj suviazi jon padziakavaŭ udzielnikam za kanstruktyŭny padychod.
Kamientary