«Ludzi vyjduć na Płoščy ŭ kožnym abłasnym i rajonnym centry»: Cichanoŭski ahučyŭ płan na 9 žniŭnia
Padčas šmathadzinnaha pikieta ŭ Baranavičach błohier Siarhiej Cichanoŭski, kiraŭnik štaba vyłučenki ŭ prezidenty Śviatłany Cichanoŭskaj, raskazaŭ karespandentu «Našaj Nivy» pra płan na dzień vybaraŭ i pra scenar dziejańniaŭ na vypadak svajho zatrymańnia.
«Naša Niva»: Na vas visić 30 sutak i bieźlič pratakołaŭ, u luby momant vas mohuć zatrymać — jakoj reakcyi svaich prychilnikaŭ vy čakajecie, kali ŭłady na heta advažacca?
Siarhiej Cichanoŭski: Kali vyjdzie tak, što pierad vybarami hetak zvany prezident rukami siłavikoŭ pasprabuje abiezhałović pratest, to jon pavinien razumieć, što heta ž nie ja pratestuju — heta pratestujuć ludzi.
U ich užo kolki złości nazapašana, nu dyk budzie jašče bolej. Mnie, moža, navat chaciełasia b, kab jany nie vychodzili, kali mianie zatrymajuć, a pačali doŭhi mirny pratest. Ale ja ŭžo ničoha nie mahu spynić. Kali ludzi zachočuć, jany sami vyjduć. Nie za mianie, a za siabie, za pieramieny, za Biełaruś.
«Naša Niva»: Jaki ŭ vas płan dziejańniaŭ na 9 žniŭnia?
Siarhiej Cichanoŭski: U mianie jość papiaredni płan na vypadak, kali vybary buduć znoŭ sfalsifikavanyja.
Ludzi vyjduć kožny ŭ svaim horadzie spačatku da vybarčych učastkaŭ, potym da vykankamaŭ na centralnyja płoščy. U kožnym abłasnym i rajonnym horadzie, nie kažučy pra stalicu.
I dla hetaha nie patrebny kaardynatary.
«Naša Niva»: A jak zrazumieć, što vybary sfalsifikavanyja?
Siarhiej Cichanoŭski: Treba stanavicca naziralnikami, i ludzi ŭsio ŭbačać sami. Užo całkam jasna, što ŭ Łukašenki padtrymki niama. Apytańni ŭ internecie, aktyŭnaść na pikietach — pasłuchajcie, što ludzi kažuć! Kali jon znoŭ namaluje, što jaho padtrymlivaje 80% — heta chłuśnia i falsifikacyja.
Ciapier čytajuć
Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ3
Kamientary