Premjer‑ministr Biełarusi paskardziŭsia Alaksandru Łukašenku na toje, što Rasieja dahetul nie pryniała rašeńnia, kab zabiaśpiečyć roŭnyja ŭmovy dostupu da mier dziaržpadtrymki.
U pryvatnaści, nie zaniesienyja źmieny ŭ dakumient, jakim byli ŭviedzienyja prefierencyjnyja papraŭki dla tavaraŭ rasiejskaha pachodžańnia (prefierencyjnaja papraŭka pry dziaržzakupach 15%), paviedamili ŭ pres‑słužbie biełaruskaha kiraŭnika.
Premjer‑ministr paviedamiŭ, što pa zaviaršeńni pieršaha kvartała ŭ Biełarusi pryniali ŭsie nieabchodnyja rašeńni pa ŭzajemnaj dziaržaŭnaj padtrymcy pradpryjemstvaŭ u realnym siektary ekanomiki.
Jon nahadaŭ, što ŭ adpaviednaści z padpisanym antykryzisnym płanam sumiesnych dziejańniaŭ uradaŭ Rasiejskaj Fiederacyi i Biełarusi vyznačanyja terminy pryniaćcia kankretnych rašeńniaŭ pa ŭzajemnaj dziaržpadtrymcy, a taksama rašeńni, datyčnyja dziaržaŭnych zakupak, ab dopusku biełaruskich vytvorcaŭ da dziaržzakupaŭ u Rasiei, i adnaŭleńni lizinhavych pastavak pradukcyi.
Pa paviedamleńni pres‑słužby, Alaksandr Łukašenka «jašče raz padkreśliŭ, što ahulny dostup na ŭnutranyja rynki dźviuch krain pavinien być na roŭnych umovach dla subjektaŭ haspadarańnia. U suviazi z hetym uradu Biełarusi było daručana aktyvizavać pracu z uradam Rasiejskaj Fiederacyi pa skarejšym dasiahnieńni ŭzajemavyhadnych rašeńniaŭ pa tych damovach, jakija byli vypracavanyja na lutaŭskim pasiedžańni Vyšejšaha dziaržaŭnaj rady».