Расея дагэтуль не прыняла рашэння, каб забяспечыць роўныя ўмовы доступу да мер дзяржпадтрымкі.
Прэм’ер‑міністр Беларусі паскардзіўся Аляксандру Лукашэнку на тое, што Расея дагэтуль не прыняла рашэння, каб забяспечыць роўныя ўмовы доступу да мер дзяржпадтрымкі.
У прыватнасці, не занесеныя змены ў дакумент, якім былі ўведзеныя прэферэнцыйныя папраўкі для тавараў расейскага паходжання (прэферэнцыйная папраўка пры дзяржзакупах 15%), паведамілі ў прэс‑службе беларускага кіраўніка.
Прэм’ер‑міністр паведаміў, што па завяршэнні першага квартала ў Беларусі прынялі ўсе неабходныя рашэнні па ўзаемнай дзяржаўнай падтрымцы прадпрыемстваў у рэальным сектары эканомікі.
Ён нагадаў, што ў адпаведнасці з падпісаным антыкрызісным планам сумесных дзеянняў урадаў Расейскай Федэрацыі і Беларусі вызначаныя тэрміны прыняцця канкрэтных рашэнняў па ўзаемнай дзяржпадтрымцы, а таксама рашэнні, датычныя дзяржаўных закупак, аб допуску беларускіх вытворцаў да дзяржзакупаў у Расеі, і аднаўленні лізінгавых паставак прадукцыі.
Па паведамленні прэс‑службы, Аляксандр Лукашэнка «яшчэ раз падкрэсліў, што агульны доступ на ўнутраныя рынкі дзвюх краін павінен быць на роўных умовах для суб’ектаў гаспадарання. У сувязі з гэтым ураду Беларусі было даручана актывізаваць працу з урадам Расейскай Федэрацыі па скарэйшым дасягненні ўзаемавыгадных рашэнняў па тых дамовах, якія былі выпрацаваныя на лютаўскім паседжанні Вышэйшага дзяржаўнай рады».
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары