Zdareńnie adbyłosia jašče 18 śniežnia, piša SK.
Ranicaj 18 śniežnia 42-hadovy mužčyna patelefanavaŭ naparniku, pierad jakim u jaho była zapazyčanaść, i pryznačyŭ sustreču.
Ale pad padstavaj taho, što mašyna nibyta ŭhrazła, zamaniŭ naparnika na ŭskrainu horada.
Tam niekalki razoŭ udaryŭ nažom, zatym pieranios jaho cieła ŭ hłyb lesa, dzie ŭdaryŭ jašče niekalki razoŭ nažom. Paśla čaho pajšoŭ dadomu, raźličvajučy na spynieńnie daŭhavych abaviazacielstvaŭ.
Adnak u chodzie rasśledavańnia dapytali śviedkaŭ, praviali vočnyja staŭki. Da materyjałaŭ kryminalnaj spravy dałučanyja danyja ab telefonnych złučeńniach dy inš.
Bolš za toje, u chodzie praviedzienych pieratrusaŭ pa miescy žycharstva zatrymanaha byli znojdzieny i kanfiskavany spartyŭna-palaŭničyja vintovačnyja patrony, jakija źjaŭlajucca bojeprypasami da ručnoj strałkovaj naraznoj ahniastrelnaj zbroi, jakija jon kupiŭ i zachoŭvaŭ bieź śpiecyjalnaha dazvołu.