Siońnia pačaŭsia praces abrańnia hramadzian u vybarčyja kamisii na prezidenckija vybary. Kazusny vypadak adbyŭsia padčas žyvoj tranślacyi z hałasavańnia za vyłučeńnie ŭ kamisii Frunzienskaha rajona na vybary. U pierapynku zabylisia vyklučyć huk, i razmovy čynoŭnikaŭ trapili ŭ žyvy efir. Miarkujučy pa razmovie, jany abmiarkoŭvali, ci naturalnym vyhladaje hałasavańnie, kali ŭsie hałasujuć adnadušna i mašynalna. Voś rasšyfroŭka zapisu.
— A to ciapier pačynajem, niechta tam skazaŭ, što ŭsie «za» hałasujem, nu i što?
— Im nie dahodziš!
— Treba vyznačycca, što 2-3 čałavieki pačynajuć…
[nierazborliva]
— Nu viadoma, ja adzin raz prahałasavaŭ nie tak, usio pierabiłasia.
[nierazborliva]
— A to ŭvieś čas «za», «za», «za», «za» — heta ž taksama niapravilna.
— Nu i što! A kali vy za? Ludzi z vopytam, my za ich…
— A kali 8 budzie «za», 1 budzie «suprać», nie strašna?
— Nie, narmalna.
[nierazborliva]
— Kali ŭsie buduć kazać «za», ja skažu «nie»!
— Student Harvardskaha ŭniviersiteta sa stanoŭčaj charaktarystykaj — ty ž razumieješ. Adkul u Harvardzie charaktarystyka? (…) I hałasuj «za», — kaža mužčyna.
Dalej adna čynoŭnica kaža kaleham:
— Idzie žyvy efir, mnie patelefanavali, skazali.
