Hetyja abanienty «Biełtelekamu» buduć vymušany apłačvać u rasterminoŭku rachunki na bujnyja hrašovyja sumy.Usie jany stali achviarami ŭdačnaha «palavańnia» na ich internet‑pirataŭ i, jak ni sumna, ułasnaj niaŭvažlivasci. Miž inšym, razmova idzie pra sotni tysiač rubloŭ…
Jak tłumačać u RUP «Biełtelekam», usie paciarpiełyja karystajucca kamutavanym dostupam u Suśvietnuju pavucinu, dla jakoha patrabujecca madem, jaki nabiraje numar apieratara dla vychadu ŭ internet. Taki ž pryncyp spałučeńnia vykarystoŭvajuć i internet‑piraty, stvarajučy śpiecyjalnyja prahramy — tak zvanyja «zvaniłki», jakija sami nabirajuć patrebnyja numary. I kali vypadkova skačać u internecie takuju prahramu, to ŭ momant padklučeńnia da interneta adbyvajecca razryŭ spałučeńnia ź miascovym
internet‑apierataram i ažyćciaŭlajecca mižnarodnaje spałučeńnie ź siervieram, ustanoŭlenym u inšaj krainie. Vy praciahvajecie pracavać u internecie, nie padazrajučy, što apłačvać znachodžańnie ŭ Suśvietnaj pavucinie daviadziecca pa taryfach mižnarodnych pravajdaraŭ, značna bolš vysokich.Jak praviła, prahramy‑«zvaniłki» raźmiaščajucca na sajtach, źmiest jakich vielmi sumnieŭny ŭ maralnym i etyčnym płanie. Viasnoj 2009 hoda «Biełtelekam» zafiksavaŭ novuju chvalu zvankoŭ, ździejśnienych biełarusami na płatnyja numary ŭ Bałharyju, Śjera-Leonie i ŭ inšyja krainy.
Dla taho, kab paźbiehnuć niepažadanaha spałučeńnia z inšaj krainaj, treba ŭvažliva čytać paviedamlenni, jakija źjaŭlajucca na ekranie pierad zahruzkaj niejkaj prahramy ź interneta.
Kali vy bačycie prapanovu «paskoryć spałučeńnie» ci «nabrać addaleny numar», ni ŭ jakim razie na jaje nie pahadžajciesia.Kali paviedamleńnie raźmiaščajecca na zamiežnaj movie, i vy nie viedajecie dakładna, što jano moža aznačać, nie naciskajcie OK abo razarvicie spałučeńnie, vyklučyŭšy madem. Kali na ekranie vašaha kampjutara źjaŭlajecca dyjałohavaje akienca z infarmacyjaj pra toje, što idzie nabor numara, jaki vy nie daručali jamu nabirać, anulujcie takoje spałučeńnie.
Abaviazkova ŭklučycie huk u nastrojkach vašaha madema. Kali vy pačuli pa charakternym huku, što madem samaadvolna ŭstanaŭlivaje spałučeńnie, pierarvicie praceduru, adklučyŭšy madem ad telefonnaj sietki. Paśla hetaha abaviazkova praviercie nastrojki «addalenaha spałučeńnia pa zamoŭčvańni», najaŭnaść novych spałučeńniaŭ i najaŭnaść prahram (spasyłak, jarłykoŭ), jakija vami nie stvaralisia i nie ŭstanaŭlivalisia. Patłumačcie dzieciam niebiaśpieku zahruzki nieviadomych prahram i kantralujcie znachodžańnie vašych dziaciej u internecie, praviarajučy historyju naviedvańnia veb‑sajtaŭ.
