Amierykanski rep-vykanaŭca Kańje Uest maje namier pretendavać na najvyšejšuju dziaržaŭnuju pasadu ŭ ZŠA. Pra heta jon paviedamiŭ u subotu ŭ Twitter.
Vykanaŭca nie rastłumačyŭ, ad jakoj partyi jon maje namier bałatavacca. Jon taksama nie daŭ adnaznačna zrazumieć, ci idzie havorka pra sioletnija vybary kiraŭnika dziaržavy. Razam z tym u jaho paviedamleńnie ŭklučany chešteh, jaki tyčycca płanaŭ na biahučy hod.
Uest raniej nie raz zajaŭlaŭ pra mahčymaść uklučycca ŭ baraćbu za pasadu prezidenta ZŠA. Jon dapuskaŭ, što moža pretendavać na najvyšejšuju dziaržaŭnuju pasadu ŭ krainie na vybarach, jakija pavinny prajści ŭ 2024 hodzie, paviedamlajuć infarmahienctvy.
Časopis Forbes u krasaviku pryznaŭ Uesta miljarderam. Jaho majomaść aceńvajecca prykładna ŭ $1,3 młrd. Uest uvachodzić u lik samych papularnych rep-vykanaŭcaŭ u ZŠA. Śpiavak atrymaŭ bolš za 20 premij Grammy.
