Pradstaŭniki pasolstva Litvy praśpiavali svoj himn la muroŭ Kreŭskaha zamka
![](http://nnexpictures.fra1.digitaloceanspaces.com/img/w732d4webp1/photos/z_2020_07/2-4-696x463-anp65.jpg.webp)
6 lipienia ambasada Litvy ŭ poŭnym składzie naviedała Kreva. Pajezdku zładzili 6 lipienia — u dzień, kali ŭ 1253 hodzie vialiki kniaź litoŭski Mindoŭh byŭ karanavany ŭ svajoj rezidencyi ŭ Navahradku, jaki tady byŭ stalicaj Vialikaha Kniastva Litoŭskaha, piša Rehijanalnaja hazieta.
![](http://nnexpictures.fra1.digitaloceanspaces.com/img/w732d4webp1/photos/z_2020_07/-3-1024x681-b8akt.jpg.webp)
— Ad 2009 hoda, kali adznačali tysiačahodździe Litvy, źjaviłasia tradycyja: 6 lipienia, u dzień karanacyi Mindoŭha, litoŭcy va ŭsim śviecie ŭ 21:00 śpiavajuć himn Litvy. 6 lipienia ŭ Litvie ŭ hety čas išoŭ mocny doždž, ale litoŭcy ŭsio roŭna śpiavali. A my naviedali Kreva — miesca, dzie byŭ zabity Kiejstut, adkul źbieh Vitaŭt i dzie była padpisanaja Kreŭskaja unija. U Krevie, darečy, u hety čas było cudoŭnaje nadvorje. I my praśpiavali himn tut, — padzialiłasia ministr-daradca namieśnik ambasadara Litvy ŭ Biełarusi Asta Andryjaŭskienie.
Pa jaje słovach, u ambasadzie vielmi rady, što ŭ Biełarusi nadajuć uvahu ahulnaj biełaruska-litoŭskaj spadčynie i što Kreŭski zamak restaŭryrujuć.
Vysokich haściej u Krevie fatahrafavaŭ miascovy žychar fatohraf Siarhiej Hapon.
Kamientary