Biznesoviec Vadzim Prakopjeŭ u svaim novym videazvarocie zaklikaŭ usich praciŭnikaŭ dyktatury časova adkinuć raznahałośsi i kansalidavacca dla źmieny ŭłady ŭ krainie. «Luby, chto nie pracuje na pieramohu, pracuje na voraha», — rezka zajaviŭ Prakopjeŭ. Jon zajaviŭ, što scenary dziejańnia mohuć być roznyja, ale treba vybrać adzin i družna dziejničać zhodna ź im. «Abjadnany štab, čakaju vašaha sihnału!» — źviarnuŭsia da Cichanoŭskaj, Capkała i Kaleśnikavaj Prakopjeŭ.
Voś hetaje videa:
Jašče ŭ adnym videa, apublikavanym u jutubie, jon u svaim karonnym styli patłumačyŭ asabistyja pryčyny dałučeńnia da ruchu suprać Łukašenki. Jon zajaviŭ pra hłybokuju pavahu da Mikoły Statkieviča i Paŭła Sieviarynca, a taksama raskazaŭ pra svaju asabistuju evalucyju.
Nahadajem, što jahony papiaredni videazvarot zajmieŭ vialiki rezanans. Za try dni jaho prahladzieli bolš za 958 tysiač razoŭ.
