Pra heta Alaksandr Łukašenka zajaviŭ siońnia padčas uračystaha adkryćcia novaj centralnaj haradskoj palikliniki Homiela, piša BIEŁTA.
«Ciapier vielmi niebiaśpiečny momant, nam nielha stracić toje, što my z vami stvaryli. Nielha! Heta hałoŭnaje, - padkreśliŭ kiraŭnik dziaržavy. — Hety kavałak ziamli my pavinny zachavać i nikomu nie addavać. Niama nijakaha strachu, niama nijakaj katastrofy, ale niahodniki pavinny viedać, što my budziem zaŭsiody suvierennyja i niezaležnyja i žyć na hetaj ziamli razam sa svaimi dziećmi».
Alaksandr Łukašenka paraiŭ nie vieryć tym, chto abiacaje praviadzieńnie chutkich reform i ŭzbahačeńnie biez pracy za karotki termin. «Kali vam buduć kazać pra niejkija reformy, pra toje, što vam ciapier na viertalotach hrošy pryviazuć, pačnuć raskidvać, vy, kali łaska, nie kupiciesia na heta», - skazaŭ jon.
Jon nahadaŭ, jak na praciahu niekalkich dziesiacihodździaŭ krok za krokam adnaŭlali Homielskuju vobłaść, zmahalisia z nastupstvami avaryi na Čarnobylskaj AES. «Tady nam nichto ničoha nie abiacaŭ. Nichto siudy nie jechaŭ i nie raspaviadaŭ hetyja bajki, - źviarnuŭ uvahu kiraŭnik dziaržavy. - Nie kupiciesia, nie zhubicie svaju krainu».
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary