Pad Minskam ŭnačy zatrymali 32 bajevikoŭ zamiežnaj pryvatnaj vajennaj kampanii
Update 15:10: Ułady Biełarusi zajavili pra zatrymańnie 33 rasijskich bajevikoŭ-vahnieraŭcaŭ
BiełTA: Siońnia ŭnačy pad Minskam zatrymali 32 bajevikoŭ zamiežnaj pryvatnaj vajennaj kampanii.
Jakija-niebudź padrabiaznaści pakul nie paviedamlajucca. Pres-słužba KDB niedastupnaja dla kamientaroŭ. Inšyja siłavyja viedamstvy pakul taksama nie kamientujuć infarmacyju.
«Nijakaj dadatkovaj infarmacyi ŭ nas pakul niama», — paviedamiŭ pradstaŭnik Śledčaha kamiteta Siarhiej Kabakovič.
Cikava, što padčas naviedvańnia 5-j asobnaj bryhady śpiecyjalnaha pryznačeńnia ŭ Marjinaj Horcy 24 lipienia Alaksandr Łukašenka kazaŭ mienavita pra pryvatnyja vajennyja kampanii.
«Dziaržsakratar [Raŭkoŭ] pravilna skazaŭ, što ŭsiakija vojny ciapier pačynajucca z vuličnych pratestaŭ, demanstracyj, potym majdany. Na majdan, kali svaich niama (u nas zamała «majdanutych»), ich padciahnuć z boku. Heta prafiesijnyja vajskoŭcy, bandyty, jakija śpiecyjalna rychtujucca, u asnoŭnym u ramkach PVK pa ŭsim śviecie, i zarablajuć vialikija hrošy na pravakacyjach u tych ci inšych dziaržavach», — kazaŭ Łukašenka.
Anałahičnaja infarmacyja raspaŭsiudžvałasia raniej, pierad vybarami 2006, 2010 i 2015 hadoŭ i padčas pratestaŭ «niedarmajedaŭ» u 2017-m. U tych vypadkach taksama havaryli pra džyp z bajevikami, što praryvaŭsia praź miažu, pra 200 bajevikoŭ, zatrymanych na miažy i pakazvali «pryznańni» ludziej z razmytymi tvarami. Paśla vybaraŭ abo zhortvańnia pratestaŭ «bajeviki» prosta rastvaralisia ŭ pavietry, pra ich pierastavali ŭzhadvać.
Apytanka
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki13
Kamientary