Jak paviedamlajuć łatvijskija medyi, kiraŭnik biełaruskaha MZS prybudzie ŭ Ryhu 22 krasavika.
U ramkach vizytu zaplanavanyja niekalki pieramovaŭ z vysokimi łatvijskimi čynoŭnikami, uklučna ź ministram zamiežnych spraŭ Marysam Ryjekstyńšam i premjer‑ministram Vałdysam Dambroŭskisam.
Taksama paviedamlajecca, što heta pieršy za apošnija 11 hadoŭ vizyt kiraŭnika biełaruskaha zamiežnapalityčnaha viedamstva ŭ Łatviju.
Pavodle presavaj słužby łatvijskaha MZS, adna z hałoŭnych temaŭ dvuchbakovych pieramovaŭ — ekanamičnyja prablemy. Taksama razmova budzie iści pra dačynieńni Biełarusi i EZ, asabliva ŭ ramkach prahramy «Ŭschodniaje partnerstva».
Siarod dakumentaŭ, jakija miarkujecca padpisać u časie sustrečaŭ, pahadnieńni ab biaźvizavym režymie pamiž žycharami abiedźviuch krain. Zhodna z dakumentam, jaki ŭžo padrychtavany dla padpisańnia, bližejšym časam biaźvizavyja pajezdki ŭ abiedźvie krainy mohuć rabić žychary biełaruskich i łatvijskich rehijonaŭ, jakija žyvuć u 35‑ci kilametrach ad miažy.