Treci tur čempijanatu Biełarusi pa futbole adznačyŭsia tym, što BATE zaniaŭ zvykłaje dla siabie pieršaje miesca ŭ turnirnaj tablicy.
Treci tur čempijanatu Biełarusi pa futbole adznačyŭsia tym, što BATE zaniaŭ zvykłaje dla siabie pieršaje miesca ŭ turnirnaj tablicy.
Hulnia barysaŭcaŭ jašče nie asabliva ŭražvaje, adnak kamanda idzie ŭ pravilnym nakirunku. U subotu była pieramožanaja «Smarhoń» — 2:0. Hałoŭnym hierojem matču staŭ małady forvard Maksim Skavyš, jaki vyjšaŭ na zamienu ŭ druhim tajmie. Spačatku paśla ŭdaru Skavyša miač u varoty dabiŭ Siarhiej Kryviec, a potym Maksim vyvieŭ na ŭdarnuju pazicyju Vitala Bułyhu. BATE punktaŭ jašče nie hublaŭ.
Zatoje pieršuju parazu ŭ čempijanacie paciarpieŭ MTZ‑RIPA. U centralnym matčy turu ŭ Salihorsku «traktarazavodcy» prajhrali «Šachcioru». Adziny hoł zabiŭ Hreńkoŭ.
Jašče adzin lider žodzinskaje «Tarpieda» z takim samym minimalnym likam prajhrała «Naftanu». Miač u sietku žodzincaŭ zabiŭ ciozka pieršaha prezidenta SSSR Michaił Harbačoŭ.
«Dynamaŭskaje» derbi skončyłasia pieramohaj minčan — 2:0. Pryčym lik žychary stalicy adkryli ŭžo na dziesiataj siekundzie. Paśla razmašystaj ataki adznačyŭsia Anton Puciła.
Pa‑raniejšamu nie mohuć nabrać punktaŭ «Hranit» i «Minsk». Mikaševičcy prajhrali ŭ Pinsku «Homielu» — 0:2. A «haradžanie» na apošnich chvilinach prapuścili ad «Niomana» — 1:2.
Niečakana naprykancy turnirnaj tablicy znachodzicca «Viciebsk». Na hety raz kamanda Alaksandra Chackieviča sastupiła «Dniapru» — 0:1.
Paśla troch turaŭ turnirnaja tablica vyhladaje nastupnym čynam:
BATE — 9 punktaŭ, «Dynama» (Minsk) — 7, MTZ‑RIPA, «Tarpeda», «Nioman», «Dniapro» — pa 6 punktaŭ, «Šachcior» — 5, «Dynama» (Brest), «Homiel», «Naftan» — pa 4, «Viciebsk», «Smarhoń» — pa 1, «Minsk», «Hranit» — pa 0.
Najlepšy bambardzir Mikałaj Ryndziuk (MTZ‑RIPA) — 4 hały.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio44
Kamientary