Minabarony anansavała hrandyjozny kancert 6 žniŭnia na Družby narodaŭ. Z demanstracyjaj śpiecyjalnaj techniki
Raniej na 6 žniŭnia ŭ minskim parku Družby narodaŭ byŭ anansavany vialiki mitynh-kancert u padtrymku Śviatłany Cichanoŭskaj. Jon mieŭsia pačacca a 17-j hadzinie.
Učora stała viadoma, što ŭłady buduć ładzić štodnia svaje kancerty ŭ Parku. Na 6 žniŭnia tam byŭ zapłanavany kancert z nahody Dnia čyhunačnych vojskaŭ, jakich faktyčna nie isnuje z 2006 hoda (isnuje asobnaja čyhunačnaja bryhada).
I voś Minabarony anansavała ŭ svaim telehram-kanale, što 6 žniŭnia z 17:00 da 21:00 u parku Družby narodaŭ projduć śviatočnyja mierapryjemstvy z nahody Dnia čyhunačnych vojskaŭ.
Płanujecca:
— kancert Akademičnaha ansambla pieśni i tanca Uzbrojenych Sił Biełarusi i zorak biełaruskaj estrady;
— vystupleńni vajskoŭcaŭ roty hanarovaj varty;
— vystupleńni śpiecyjalistaŭ kinałahičnaha centra US RB sa słužbovymi sabakami;
— defile arkiestra 30-j asobnaj čyhunačnaj bryhady;
konkursy, u jakich možna paŭdzielničać usioj siamjoj. Pieramožcaŭ čakajuć śpiecyjalnyja pryzy ad Minabarony.
Akramia taho, u parku budzie razhornuta vystava śpiecyjalnaj techniki transpartnych vojskaŭ.
Minabarony zaprašaje na śviata vieteranaŭ transpartnych vojskaŭ, a taksama ŭsich minčan i haściej stalicy.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia6
Kamientary