U Breście «za aktyŭny ŭdzieł u masavych biesparadkach» zatrymanyja 10 čałaviek va ŭzroście ad 18 da 40 hadoŭ
U Breście i Bresckaj vobłaści zatrymanyja 10 čałaviek. Pavodle viersii pravaachoŭnikaŭ, hetyja ludzi ŭdzielničali ŭ masavych biesparadkach 10 i 11 žniŭnia i «ŭžyvali hvałt da supracoŭnikaŭ orhanaŭ unutranych spraŭ».
— Supracoŭnikami 6-ha ŭpraŭleńnia (pa Bresckaj vobłaści) HUBAZiK MUS, UUR UUS, syščykami Maskoŭskaha, Leninskaha i Bresckaha RAUS zatrymanyja 10 aktyŭnych udzielnikaŭ masavych biesparadkaŭ, jakija padazrajucca ŭ tym, što 10 i nočču 11 žniŭnia ŭžyvali hvałt da supracoŭnikaŭ orhanaŭ unutranych spraŭ, jakija vykonvajuć słužbovyja abaviazki pa achovie hramadskaha paradku, kidali ŭ ich kamiani, pałki, mietaličnyja pradmiety, zapuskali fajery, a taksama paškodžvali dziaržaŭnuju majomaść na centralnych vulicach horada, — zajavili ŭ pres-słužbie UUS Bresckaha abłvykankama.
Paviedamlajecca, što heta žychary Bresta, Bresckaha i Drahičynskaha rajonaŭ va ŭzroście ad 18 da 40 hadoŭ. Jany zatrymanyja i znachodziacca ŭ izalatary časovaha ŭtrymańnia. Śledčymi pravodziacca śledčyja dziejańni.
Kamientary