У Брэсце «за актыўны ўдзел у масавых беспарадках» затрыманыя 10 чалавек ва ўзросце ад 18 да 40 гадоў
У Брэсце і Брэсцкай вобласці затрыманыя 10 чалавек. Паводле версіі праваахоўнікаў, гэтыя людзі ўдзельнічалі ў масавых беспарадках 10 і 11 жніўня і «ўжывалі гвалт да супрацоўнікаў органаў унутраных спраў».
— Супрацоўнікамі 6-га ўпраўлення (па Брэсцкай вобласці) ГУБАЗіК МУС, УУР УУС, сышчыкамі Маскоўскага, Ленінскага і Брэсцкага РАУС затрыманыя 10 актыўных удзельнікаў масавых беспарадкаў, якія падазраюцца ў тым, што 10 і ноччу 11 жніўня ўжывалі гвалт да супрацоўнікаў органаў унутраных спраў, якія выконваюць службовыя абавязкі па ахове грамадскага парадку, кідалі ў іх камяні, палкі, металічныя прадметы, запускалі фаеры, а таксама пашкоджвалі дзяржаўную маёмасць на цэнтральных вуліцах горада, — заявілі ў прэс-службе УУС Брэсцкага аблвыканкама.
Паведамляецца, што гэта жыхары Брэста, Брэсцкага і Драгічынскага раёнаў ва ўзросце ад 18 да 40 гадоў. Яны затрыманыя і знаходзяцца ў ізалятары часовага ўтрымання. Следчымі праводзяцца следчыя дзеянні.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла10
Каментары