Hramadstva22

«Nie puskali ŭ tualet, kazali chadzić pad siabie». Pra zatrymańnie ŭ Maładziečnie raskazvaje ravaryst

Fota Nastaśsi Utkinaj.

Svajoj historyjaj zatrymańnia padzialiŭsia inžynier-enierhietyk z Maładziečna Ihar Zacharanka. Jaho zatrymali ŭ Maładziečnie 9 žniŭnia.

— Ja kataŭsia na rovary, jak rablu heta praktyčna kožny viečar. Baču, na płoščy sabralisia ludzi. Ja zdahadvaŭsia, čamu jany tam sabralisia. Čuŭ papiarednija vyniki hałasavańnia, heta mianie aburyła. Tamu što z usich maich znajomych za dziejučuju ŭładu praktyčna nichto nie hałasavaŭ.

Baču, staić natoŭp milicyjanieraŭ. Ludzi prosta stajali. Ja na rovary pakataŭsia, pahladzieŭ. Liču, raz ja žyvu ŭ hetym horadzie, heta majo śviatoje kanstytucyjnaje prava — znachodzicca ŭ lubym hramadskim miescy ŭ luby čas sutak. Ja byŭ tam nazirajučym bokam.

Stała ciamnieć. Ludziej stanaviłasia bolš. Padciahvalisia mašyny milicyi. Śviatła było i tak mała, paśla jany vyklučyli naohuł. Pačali napružvać atmaśfieru. Paśla hnalisia za ludźmi, źbivali ich. Bačyŭ ludziej, jakija lažali biez prytomnaści.

Heta vielmi mocna čaplaje. Vyklikaje abureńnie — jak jany majuć prava źbivać ludziej da biesprytomnaści?

Razmaŭlali ź ludźmi, jakija paciarpieli. Stały mužčyna z žonkaj išoŭ, i ŭ jaho ruki ŭ kryvi. Skazaŭ, ni za što ŭdaryli ŭ tvar dubinkaj. Sfatahrafavaŭ jaho ruki — na zapiaści biełaja stužka i kroŭ.

Na płoščy ludziej było ŭsio mienš, tamu što ich razhaniali. A ja na rovary prosta jezdžu. Milicyja kaža, kab źjazdžaŭ, adkazvaju, što maju prava katacca. Ja tut naradziŭsia i budu znachodzicca tam, dzie liču patrebnym.

Paśla stajała milicyjanieraŭ 8-10, i pačali na mianie łajacca, jak šakały. Ciomna, jany ŭ maskach, adčuvali svaju biespakaranaść. Uklučyŭ kamieru na telefonie, prajazdžaju la ich i kažu: «A ciapier usio toje samaje na kamieru». Imhnienna zamoŭkli ŭsie, jak adzin.

Padjechaŭ da ludziej kala byłoha ŭniviermaha, dzialilisia ŭražańniami ad ubačanaha. Baču, jedzie aŭtazak. Kažu, davajcie budziem razychodzicca. Pajechaŭ pa Prytyckaha ŭniz. Mianie abhaniaje mikraaŭtobus na vialikaj chutkaści. Sprabuju źjechać, jany mianie padrazajuć. Kažuć, budzieš supraciŭlacca, ci jak. Kažu, što nie. Mianie akružyli čałaviek 6-8, kažu: «Cicha, cicha, zdajusia».

Na vulicy nie bili. Pahruzili spačatku ŭ mikraaŭtobus, a paśla ŭ aŭtazak. U žorstkaj formie kažuć: «Na kaleni, ruki za hałavu». Unutry aŭtazaka ludzi lažali štabialami tvaram uniz. Skazali vyklučyć telefon, ja vyklučyŭ.

Chadzili pa ludziach, taptalisia. Paviarnuŭ hałavu pahladzieć — udaryli pa nazie niekalki razoŭ dubinkaj. Nam pahražali, kazali, što my niby złačyncy, padryvajem usiu sistemu. U aŭtazaku moža try ŭdary atrymaŭ.

Zavieźli ŭ dvor na Halickaha. Kali vyhružali, mianie naŭmysna hałavoj u asfalt niekalki razoŭ tknuli. Była kroŭ. Kolki čałaviek było ŭ dvary milicyi, składana skazać, my ž byli tvaram u ziamlu. Ja by skazaŭ, čałaviek 60. Nadzieli naručniki, ruki za śpinaj.

Pakłali na asfalt. Ludzi lažać, stohnuć. Pasypalisia pahrozy, ja tak razumieju, ad našych milicyjanieraŭ. Ja dumaju, što apaznać ich možna. Adzin praparščyk pačynaje cisnuć kala vucha. Kaža, što kali jašče raz ubačyć na płoščy, koła na hałavu nadzienie. Heta faktyčna pahroza žyćciu, ja by rascaniŭ heta tak. Praparščyk kryčaŭ: «Nas išli rezać, zabivać». Chacia my byli biez zbroi, ni ŭ kaho nie było ni nažej, ničoha.

Kala mianie lažaŭ małady čałaviek, prasiŭ advieści ŭ tualet. Jamu kažuć, što nie paviaduć, kab aparažniaŭsia pad siabie. Kolki ni prasiŭ, jany tak i nie zaviali. U vyniku jon i schadziŭ pad siabie. Jon nie adzin, byli i inšyja takija vypadki.

Kali nas vieźli ŭ aŭtazaku ŭ Puchavičy, taksama kazali chadzić pad siabie. Vielmi heta było niepryjemna. Ja lažaŭ u takoj pozie: ruki zzadu ŭ naručnikach, i nohi za ich zaviali. Byŭ adzin, vidać, što ŭ jaho sadysckaje zadavalnieńnie było ad hetaha. Było b niakiepska jaho znajści.

U Puchavičach adnosiny byli narmalnyja, pa-čałaviečy. Sudździa pytałasia, čamu akazvali supraciŭ. Ja nie akazvaŭ, jana kaža, što nie maje pryčyn nie daviarać pakazańniam supracoŭnikaŭ milicyi. Chacia i ŭ pratakole napisaŭ, što nie zhodny ź im.

Abskardžvać prysud sensu nie baču, tamu što ŭsia hetaja sistema zahannaja. Na ich terytoryi składana.

Kamientary2

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia27

Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia

Usie naviny →
Usie naviny

Usaŭ pastaviŭ kryž na palityčnaj karjery Siarhieja i Śviatłany Cichanoŭskich45

Karpaŭ Cichanoŭskamu: Davajcie dla pačatku paznajomimsia, a paśla ŭžo pasvarymsia15

Zajcy ź vialikimi morkvami i čyrvona-zialony vietraź. U Smarhoni prajšoŭ konkurs «Płavańnie na čym papała» ŠMAT FOTA7

Nieviadomyja stvaryli fejkavy sajt Siarhieja Cichanoŭskaha i źbirajuć infarmacyju7

Praŭładnaj błohiercy Andžališy zrabili prapanovu ruki i serca ŭ Dzień Niezaležnaści13

Prajšli vobšuki ŭ byłoha ministra abarony Ukrainy Reźnikava4

Pravierka «BajChełpa» vyjaviła ŭciečku danych20

«Zastałasia tryvoha, jakaja nie adpuskaje navat nočču». Były palitviazień Siarhiej Šeleh prosić ab dapamozie7

U Zambii zvarjaciełaja słanicha zabiła dźviuch turystak3

bolš čytanych navin
bolš łajkanych navin

Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia27

Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia

Hałoŭnaje
Usie naviny →

Zaŭvaha:

 

 

 

 

Zakryć Paviedamić