Dyjakan Kurajeŭ: Ja vas vinšuju, narešcie mitrapalitam Biełarusi staŭ nie varah. I samy intelihientny z vašych jepiskapaŭ
Pravasłaŭny intelektuał z Rasii, dyjakan Andrej Kurajeŭ padzialiŭsia z «Našaj Nivaj» dumkami adnosna pryznačeńnia jepiskapa Vienijamina novym mitrapalitam Biełaruskaj pravasłaŭnaj carkvy.
«Ja vas vinšuju: upieršyniu za doŭhija-doŭhija hady mitrapalitam Biełarusi staŭ uradženiec vašaj krainy, a nie varah. Heta ŭžo cudoŭna.
Pa-druhoje, heta samy intelihientny z usich vašych jepiskapaŭ. Varta adznačyć, što praviedzieny jon byŭ nie Paŭłam, a jašče Fiłaretam. Tak što ŭ jaho dobry radavod.
Vienijamin — heta čałaviek, jaki nie byŭ zaplamleny niejkimi palityčnymi dekłaracyjami. Jon zajmaŭsia budaŭnictvam bahasłoŭskaj škoły, nie ŭ sensie niejkaha cahlanaha budynka, a stvareńnia mietodyki, zaachvočvańnia ludziej, studentaŭ. Vielmi dobry i niečakany vybar. Ja rady, što ŭsio tak vyrašyłasia.
Ja nie vyklučaju, što adstaŭka Paŭła źviazanaja z palityčnymi padziejami apošnich dzion u Biełarusi. Całkam mahčyma, što jon sam prasiŭsia ŭ adstaŭku. Usie hetyja jahonyja tancy, to jon vinšuje Łukašenku, to adklikaje vinšavańni, to adklikaje adklikańnie — heta vyhladała vielmi nieprystojna.
Pavieł byŭ vielmi čužym u Biełarusi, pačynajučy ad jahonaha idyjockaha «čarnobylskaha kranika». Jon byŭ čužakom jak dla prostaha nasielnictva, hetak i dla biełaruskaj elity», — skazaŭ dyjakan Andrej Kurajeŭ.
-
Śpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki
-
«Za dzieviać dzion nivodnaj cełaj kanapy, smurod strašenny». Minčanka pra toje, jak nielha vybirać kvatarantaŭ
-
U Biešankovičach mužčyna pasprabavaŭ pradać ptušania i atrymaŭ «administracyjku»
Ciapier čytajuć
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi2
Kamientary