Kaleśnikava: Urad byŭ pryznačany ŭ abychod kanstytucyjnaj pracedury, jaho status sprečny
Na heta pradstaŭnica Kaardynacyjnaj rady Maryja Kaleśnikava źviartaje ŭvahu ŭ svaim videazvarocie.
«17 žniŭnia ŭrad skłaŭ paŭnamoctvy «pierad znoŭ abranym prezidentam». Heta praduhledžana artykułam 106 Kanstytucyi, i heta dziejańnie ŭžo adbyłosia. Nahadvaju, što termin dziejučaha prezidenta zakančvajecca 5 listapada.
Zhodna z artykułam 83 Kanstytucyi, tolki paśla inaŭhuracyi znoŭ abrany prezident upaŭnavažany pryznačyć novy ŭrad. Inaŭhuracyja pavinna być praviedzienaja da 9 kastryčnika.
Adnak užo 19 žniŭnia prezident pryznačyŭ novy ŭrad.
Da praviadzieńnia cyrymonii inaŭhuracyi ŭrad nie moh być pryznačany.
Bolš za toje, pavodle artykuła 106 Kanstytucyi, premjer-ministr pryznačajecca prezidentam sa zhody Pałaty pradstaŭnikoŭ.
Heta aznačaje, što paśla inaŭhuracyi varta taksama atrymać zhodu Pałaty pradstaŭnikoŭ, i tolki paśla hetaha moža być sfarmavany skład novaha ŭrada.
Na hety momant novy ŭrad pryznačany prezidentam z parušeńniem zakanadaŭstva. Status urada sprečny», — ličyć Maryja Kaleśnikava.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary