Siarhiej Kazieka i Pavieł Rasolka, FK «Krumkačy»
Učora ŭ centry Minska byli zatrymanyja futbalisty «Krumkačoŭ» Siarhiej Kazieka i Pavieł Rasolka. Futbalisty byli dastaŭlenyja ŭ Leninskaje RUUS, piša Tribuna.com.
Unačy Siarhieja Kazieku z RUUS u kajdankach i pad kanvojem zabrała chutkaja dapamoha, pra heta paviedamiŭ Uładzisłaŭ Majaroŭski ŭ Facebook.
Dyrektar «Krumkačoŭ» Aleh Davidovič napisaŭ, što ŭ Kazieki pierałom treciaha pazvanka, paškodžanyja nyrki.
Pravaabaroncy paviedamlajuć, što hulcy byli zatrymanyja za paškodžańnie milicejskaha mikraaŭtobusa.
Raniej «Radyjo Svaboda» infarmavała pra toje, što hulcy viartalisia z treniroŭki razam z trenieram kamandy Alaksandram Bialinskim. Spartsmieny prajšli kardony milicyi, adnak na ich nalacieŭ AMAP, futbalistaŭ zatrymali i źbili.
