Pra heta zajaviŭ žurnalistam u paniadziełak pres-sakratar prezidenta Rasii Dźmitryj Piaskoŭ, piša TASS.
— Ciapier razmovy ab vykarystańni hetaha reziervu nie idzie. Prezident Rasii ŭsialak padkreślivaŭ, što razmova idzie tolki ab krajniaj situacyi, kali ekstremisckija elemienty piarojduć da pramoj destabilizacyi. Ciapier my bačym, što stanovišča spraŭ pad kantrolem, tamu zaraz niama sensu havaryć pra heta, — skazaŭ Piaskoŭ.
Pavodle jaho słoŭ, «u dadzienym vypadku pravaachoŭniki, kiraŭnictva Respubliki dastatkova ŭpeŭniena trymajuć situacyju pad kantrolem i nie dajuć mahčymaści dla jakich-niebudź pravakacyj, jakija patencyjna mohuć być pry vialikim źbiehu ludziej».
Pry hetym Piaskoŭ rastłumačyŭ, što vykarystańnie reziervu siłavikoŭ, kali jano budzie nieabchodna, nie zapatrabuje zhody Savieta Fiederacyi, bo heta «abaviazacielstvy Rasijskaj Fiederacyi, jakija byli ratyfikavanyja parłamientam».
Pradstaŭnik Kramla rastłumačyŭ, što razmova idzie pra abaviazacielstvy RF pierad Biełaruśsiu ŭ ramkach dahavoraŭ ab Sajuznaj dziaržavie i ADKB, jakija raniej užo byli ratyfikavany rasijskim parłamientam.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica1
Kamientary