Mitrapalit Kandrusievič, jakoha pamiežniki nie ŭpuścili ŭ Biełaruś, viarnuŭsia ŭ Polšču
Presavy sakratar Biełaruskaha katalickaha kaściołu ajciec Jury Sańko paviedamiŭ Svabodzie, što mitrapalit Tadevuš Kandrusievič ź biełaruskaha pamiežnaha pierachoda «Bruzhi» viarnuŭsia ŭ Polšču.
Jamu nie dazvolili ŭjezd u Biełaruś, nie patłumačyŭšy nijak pryčyn hetaha. Pačakaŭšy niekalki hadzin, jon pakinuŭ pamiežny pierachod.
«Mašyna, na jakoj jechaŭ mitrapalit, užo pierajechała miažu, i nakiravałasia ŭ Biełaruś, a mitrapalit Tadevuš Kandrusievič nakiravaŭsia nazad na polskuju terytoryju. Jon budzie praciahvać damahacca viarnucca na radzimu. I my tut budziem pratestavać, źviazvacca z usimi dziaržaŭnymi ŭstanovami ŭ Biełarusi, tamu što katalicki kaścioł Biełarusi nia moža być biez svajho kiraŭnika. Nijakich tłumačeńniaŭ hetamu rašeńniu ad uładaŭ my tak i nie atrymali», — skazaŭ Jury Sańko.
Pa stanie na 17.00 pradstaŭnik pamiežnaha kamitetu Biełarusi Anton Byčkoŭski pa-raniejšamu byŭ nie hatovy choć niejak prakamentavać Svabodzie sytuacyju ź niadopuskam u Biełaruś mitrapalita Tadevuša Kandrusieviča, jaki viartajecca na radzimu z Polščy.
Načalnik Departamentu pa hramadzianstvie i mihracyi MUS Biełarusi Alaksiej Biahun taksama admaŭlajecca kamentavać sytuacyju ź pieraškodami dla ŭjezdu ŭ krainu hramadzianina, jaki maje biełaruski pašpart.
Kamientary