Žančyny, jakija ŭdzielničajuć u niesankcyjanavanych šeściach, źjaŭlajucca instrumientam u čužych rukach, zajaviła staršynia Biełaruskaha sajuza žančyn Marjana Ščotkina ŭ efiry telekanała STB, paviedamlaje BiełTA.
«Zaŭsiody treba dumać, navošta ty idzieš, meta jakaja i ci nie robiš ty heta dla kahości. To-bok ciabie vystaŭlajuć napierad, kab potym prosta adsunuć jak lišniuju fihuru», — skazała Marjana Ščotkina.
U Biełarusi razyhryvajecca toj ža scenar kalarovaj revalucyi, jaki byŭ realizavany ŭžo ŭ šerahu krain, upeŭnienaja namieśnik ministra achovy zdaroŭja Alena Bohdan.
«Apošni prykład — Ukraina. Uspomnicie Siryju, Jehipiet, Liviju. Usiudy ŭsio pačynałasia adnolkava. Spačatku farmavałasia niejkaja pratestnaja masa, źbiralisia na jaje hrošy, adkryvalisia roznyja ŚMI, zadača jakich była źbirać ludziej. Potym stvaraŭsia niejki incydent, na jaki była mienavita žanočaja reakcyja», — skazała jana, dadaŭšy, što lubaja kalarovaja revalucyja praduhledžvaje manipulacyju masavaj śviadomaściu ludziej.
Hienieralny dyrektar AAT «Kirujučaja kampanija chołdynhu «Babrujskahramaš» Nadzieja Łazarevič zaklikała žančyn uspomnić ich asnoŭnaje paklikańnie. «Nie stajać na vulicy i kryčać, a pryjści dadomu i zaniacca svajoj siamjoj i svaim pobytam. Heta asnoŭnaja meta i zadača luboj žančyny, nie važna, u jakoj krainie ty žyvieš. Na žal, u nas ciapier pieraviarnułasia śviadomaść».
