Kipr zabłakavaŭ pryniaćcie sankcyj JeC u dačynieńni da kiraŭnikoŭ Biełarusi, adkaznych za praviadzieńnie vybaraŭ prezidenta 9 žniŭnia i represii ŭ dačynieńni da pratestoŭcaŭ. Pra heta paviedamlaje Rfi.fr.
Ministry zamiežnych spraŭ krain JeC uzhadnili ŭviadzieńnie sankcyj «suprać asob, adkaznych za hvałt, nieabhruntavanyja aryšty i falsifikacyju vynikaŭ vybaraŭ». Rada Jeŭropy padrychtavała śpis čynoŭnikaŭ, jakija trapiać pad abmiežavalnyja miery: im budzie zabaronieny ŭjezd u krainy Jeŭrasajuza, a ich aktyvy ŭ Jeŭropie zamarožanyja. AFP pieradaje, što ŭ śpis trapili kala 40 čałaviek.
Admova padtrymać uviadzieńnie sankcyj suprać biełaruskich kiraŭnikoŭ źviazana z tym, što Kipr, u svaju čarhu, patrabavaŭ ad ES uvieści abmiežavańni ŭ dačynieńni da Turcyi ŭ suviazi sa zdabyčaj hazu ŭ kiprskaj ekanamičnaj zonie Uschodniaha Mižziemnamorja.
Nahadajem, adkryćcio zapasaŭ hazu ŭ Mižziemnym mory niepadalok ad kiprskich bierahoŭ uzmacniła napružanaść, jakaja isnuje ŭ adnosinach pamiž Kipram i Turcyjaj z času tureckaha vajennaha ŭmiašańnia ŭ 1974 hodzie, jakoje pryviało da terytaryjalnaha padziełu vostrava.
Čakajecca, što nastupny raŭnd kansultacyj kiraŭnikoŭ MZS krain ES, na jakim budzie abmiarkoŭvacca ŭviadzieńnie sankcyj u dačynieńni da Biełarusi, adbudziecca 21 vieraśnia.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)