Kiraŭnik MZS Litvy pra słovy ab «zakryćci miežaŭ»: Heta nieadekvatnaja reakcyja
Zajavy Alaksandra Łukašenki ab zakryćci miežaŭ i ŭmacavańni ich kantrolu — heta nieadekvatnaja reakcyja, ličyć kiraŭnik Ministerstva zamiežnych spraŭ Litvy Linas Linkiavičus, piša delfi.lt.
«Takija zajavy ŭžo byli i da hetaha — pra toje, što ciahačy buduć nakiravanyja ŭ inšyja party, potym rušyła ŭśled udakładnieńnie, što heta budzie, kali Rasija prapanuje takija ž umovy i t. d. Ja dumaju, i ciapier treba pačakać, pahladzieć, što heta značyć — zakryćcio miežaŭ dla hruzaŭ, ludziej ci niešta jašče», — skazaŭ LRT u piatnicu ranicaj ministr.
Jon papiaredziŭ, što ekanomika susiedniaj krainy znachodzicca «na miažy bankructva», tamu ŭsie padobnyja kroki treba rabić uzvažana i adkazna, inakš jany pryniasuć škodu samoj Biełarusi. U Linkiavičusa niespakoj vyklikała zajava ab pierakidcy armii da miežaŭ.
«Byli zajavy, što pałova armii kinuta na achovu miežaŭ z Zachadam, zdajecca, što adsiul chtości pahražaje, chtości źbirajecca napadać. Heta reakcyja na situacyju nieadekvatnaha čałavieka», — adznačyŭ ministr.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB19
Kamientary