Supracoŭniki kryminalnaha vyšuku minskaj milicyi pierachapili kurjera telefonnych machlaroŭ, jaki zabraŭ hrošy ŭ pažyłoj pary i musiŭ vyvieźci ich za miažu.
21‑hadovy minski student sam staŭ achviaraj padmanu pavodle schiemy «zamiena damafona».
Kab nibyta paźbiehnuć kryminalnaj adkaznaści i atrymać dobruju charaktarystyku, chłopcu paraili dapamahać takim ža padmanutym ludziam.
Machlary pačali vykarystoŭvać jaho jak kurjera. Tak, jon pryjechaŭ da siamji piensijanieraŭ, jakija pavieryli złačyncam, napisali raśpiski ab nierazhałošvańni infarmacyi, a zatym na kodavaje słova «kvietka» pieradali «dla dekłaravańnia» 11 tysiač dalaraŭ.
Milicyjaniery zatrymali kurjera da taho, jak jon paśpieŭ na zadańnie kuratara vyvieźci hrošy za miažu. Srodki buduć viernuty padmanutym piensijanieram.
Raspačata kryminalnaja sprava pavodle faktu machlarstva.
U milicyi nahadali: u Biełarusi nie isnuje takoj pasłuhi, jak dekłaravańnie hrošaj z dapamohaj kurjera. «Kali padčas telefonnaha zvanka ad vas patrabujuć pieradać hrošy ŭ Nacyjanalny bank, vyvieźci ich za miažu abo schavać u tajnym miescy, nie vykonvajcie hetyja ŭkazańni, pakładzicie słuchaŭku i nieadkładna patelefanujcie ŭ milicyju pa numary 102», — padkreśliŭ namieśnik načalnika UKV HUUS Minharvykankama Vitalij Saroka.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary