Minskaje abłasnoje ŭpraŭleńnie pa baraćbie z karupcyjaj i ekanamičnymi złačynstvami zatrymała złačynnuju hrupu, jakaja zajmałasia prodažam dypłamoŭ ab vyšejšaj adukacyi elitnych biełaruskich VNU.
Minskaje abłasnoje ŭpraŭleńnie pa baraćbie z karupcyjaj i ekanamičnymi złačynstvami zatrymała złačynnuju hrupu, jakaja zajmałasia prodažam dypłamoŭ ab vyšejšaj adukacyi elitnych biełaruskich VNU.
Pavodle čutak, u Biełarusi možna kupić paŭnavartasny dypłom za 3‑5 tys. dołaraŭ. Pry hetym pakupnik atrymlivaŭ nie tolki samoje paśviedčańnie, ale i harantyi, tamu što jaho źviestki ŭnosiać va ŭsie viedamaści VNU i pravodziać pa bazie Ministerstvy adukacyi.
Na ciapierašni momant milicyjanty ŭžo zatrymali piać čałaviek: ekanamista RUPP «BiełAZ», mietadysta dekanata Mižnarodnaha instytuta pracoŭnych i sacyjalnych adnosin Fiederacyi prafsajuzaŭ Biełarusi, vykładčyka Minskaha finansava‑ekanamičnaha kaledža, namieśnika dyrektara pa administracyjna‑haspadarčaj častcy MČUP «Centr estetyčnaj miedycyny Chinievič i K», a taksama aficyjna niepracujučuju žančynu. Ale heta — tolki pačatak, bo rychtujucca novyja zatrymańni i bolš važnych asob.
Pavodle papiarednich źviestak, padstavaj dla pačatku apieratyŭnaj raspracoŭki stała infarmacyja, što žycharcy Minsku prapanoŭvajuć nabyć dypłom Biełaruskaha dziaržaŭnaha ekanamičnaha ŭniviersiteta za chabar u 4,5 tys. dołaraŭ. U siaredzinie krasavika žančyna pieradała hetuju sumu, a jašče praz tydzień atrymała sapraŭdny dypłom.
Niahledziačy na toje, što apieratyŭniki pakul nie vydajuć infarmacyju pa spravie, viadoma, što dypłom byŭ aficyjna praviedzieny praz BDEU. A heta značyć, što karani złačynnaj hrupy viaduć hetuju viadučuju ekanamičnuju VNU krainy.
Paŭstaje pytańnie ab datyčnaści da skandału i słužboŭcaŭ ad Minadukacyi. Dypłomy źjaŭlajucca błankami strohaj spravazdačnaści, jakija kantralujucca ministerstvam.
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary