Kiraŭnik IICHF: My b nie zmahli pravieści čempijanat śvietu pa chakiei ŭ Biełarusi ŭ hetym miesiacy
Prezident Mižnarodnaj fiederacyi chakieja (IICHF) Rene Faziel u siesii pytańniaŭ i adkazaŭ na aficyjnym sajcie arhanizacyi vykazaŭsia nakont razmoŭ ab mahčymym pieranosie ČS-2021 ź Biełarusi.
«Situacyja vielmi składanaja, my sutyknulisia z palityčnym ciskam zvonku, jaki stavić pad surjozny sumnieŭ praviadzieńnie ČS-2021 u Minsku i Ryzie.
Premjer-ministr Łatvii zajaviŭ, što kraina pa-raniejšamu maje namier pravieści turnir, ale, mahčyma, nie zachoča zrabić heta sumiesna ź Minskam, uličvajučy ciapierašnija abstaviny, i zaklikaje IICHF razhledzieć pytańnie pieradačy inšaj krainie mahčymaści pryniać čempijanat.
Hetyja palityčnyja kroki ŭrada Łatvii, biezumoŭna, zrazumiełyja. Tryvožna bačyć toje, što adbyvajecca ŭ Biełarusi, u krainie, dzie IICHF i nacyjanalnyja zbornyja vydatna praviali ČS-2014. Prosta zaraz, kali b turnir pavinien byŭ prajści ŭ hetym miesiacy, pravieści jaho było b niemahčyma.
Mnie vielmi škada, što chakiej uciahnuty ŭ palityčnyja razmovy, niezaležna ad pazicyi ŭrada Łatvii. Arhkamitety Ryhi i Minska sumiesna pracavali, i jany zrabili vydatnuju pracu dla padrychtoŭki da ČS-2021.
Ale zdaroŭje i biaśpieka ludziej — heta samaje važnaje, ja nie stamlusia heta paŭtarać. Uličvajučy palityčnuju situacyju i ryzyku zaražeńnia karanavirusam, my pavinny staranna praanalizavać pytańnie praviadzieńnia ČS-2021. Heta zojmie čas», — skazaŭ Faziel.
Kančatkovaje rašeńnie, ci projdzie ČS-2021 u Biełarusi, IICHF maje pryniać u listapadzie.
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała12
Kamientary