Kryzis u Biełarusi, kali jaho nie vyrašyć, moža stać razłomam na karcie Jeŭropy, zajaviŭ prezident Francyi Emaniuel Makron padčas vystupu na Hienasamblei AAN, piša interfax.by.
«U vypadku ź Biełaruśsiu jość ryzyka ŭtvareńnia razłoma na jeŭrapiejskim kantyniencie», — skazaŭ francuzski prezident.
Jon padkreśliŭ, što «treba paźbiehnuć umiašańnia ŭ situacyju zvonku».
Taksama prezident Francyi zapeŭniŭ, što «padtrymlivaje biełaruski narod».
Makron ličyć nieabchodnym vyrašać biełaruski kryzis pry pasiarednictvie ABSIE. Pavodle jaho słovaŭ, jon z kancleram FRH Anhiełaj Mierkiel vykazvali hety punkt hledžańnia padčas kantaktaŭ z prezidentam RF Uładzimiram Pucinym.
0
0
0
0
0
0