Ejsmant pakul nie nazvała datu inaŭhuracyi Łukašenki, ale kala Pałaca Niezaležnaści — nievialikaja aktyŭnaść
La Pałaca Niezaležnaści i BiełEkspa ciapier šmat aŭtobusaŭ i hruzavikoŭ z vajskoŭcami. Milicyja dziažuryć na kožnym z pavierchaŭ HC «Zamak», cichary ŭ dvarach na Sapioraŭ i Pieramožcaŭ.
Inaŭhuracyja Alaksandra Łukašenki pavinna prajści da 9 kastryčnika. Učora źjavilisia niepaćvierdžanyja čutki, što jana moža adbycca navat siońnia, 23 vieraśnia. A z ranicy la Pałaca Niezaležnaści nazirajecca nievialičkaja aktyŭnaść.
Pres-sakratarka Łukašenki Natalla Ejsmant nie stała nazyvać «RIA Navinam» datu inaŭhuracyi, ale paabiacała zrabić heta «bližej da času» cyrymonii.
Kamientary