Bolš za 600 studentaŭ i vypusknikoŭ bijafaka BDU padpisali zvarot da dziaržaŭnych orhanaŭ z patrabavańniem novych vybaraŭ
Supracoŭniki, studenty i vypuskniki bijałahičnaha fakulteta BDU źviarnulisia da dziaržaŭnych orhanaŭ Biełarusi. Jany prosiać nie dapuskać zatrymańniaŭ i hvałtu da mirnych hramadzian, vyzvalić palityčnych viaźniaŭ i pryznać vyniki vybaraŭ niesapraŭdnymi, paviedamlaje TUT.by.
«My vykazvajem salidarnaść z usimi hramadzianami, jakija šlacham niehvałtoŭnaha pratestu spryjajuć adnaŭleńniu miru i zakonnaści ŭ Biełarusi, — napisali aŭtary zvarotu. — U suviazi z parušeńniem našych hramadzianskich i palityčnych pravoŭ, a mienavita: prava na sumlennyja i prazrystyja vybary, svabodu volevyjaŭleńnia (art. 65, 66 Kanstytucyi), prava na žyćcio i biaśpieku, prava na abaronu ad zamachaŭ za svabodnaje vykazvańnie svajoj pazicyi (art. 4, 10, 22, 25, 33 Kanstytucyi), orhanam dziaržaŭnaj ułady vykazvajem pratest suprać biezzakońnia, jakoje ŭstanaviłasia ŭ našaj krainie».
Svaje patrabavańni bijołahi sfarmulavali tak:
- nie dapuskać zatrymańniaŭ i hvałtu ŭ dačynieńni da mirna pratestujučych hramadzian. Inicyjavać praces adchileńnia ad zajmanych pasadaŭ i pryciahnieńnia da adkaznaści ŭsich rabotnikaŭ pravaachoŭnych orhanaŭ, chto ŭžyŭ hvałt, chto addavaŭ i vykonvaŭ złačynnyja zahady i parušyŭ prysiahu, dadzienuju narodu Biełarusi. Da zakančeńnia niezaležnaha i hałosnaha rasśledavańnia adchilić ad vykanańnia abaviazkaŭ ministra ŭnutranych spraŭ Juryja Karajeva, kiraŭnictva i asabisty skład padraździaleńniaŭ AMAP MUS;
- vyzvalić usich palityčnych źniavolenych, admianić niepravamiernyja sudovyja pastanovy, vypłacić kampiensacyi ŭsim hramadzianam, jakija paciarpieli ad niezakonnych dziejańniaŭ siłavych struktur;
- u suviazi ź nieprymalnaj kolkaściu zafiksavanych parušeńniaŭ i falsifikacyj pryznać niesapraŭdnymi vyniki vybaraŭ, jakija adbylisia 9 žniŭnia. Sfarmavać novy skład CVK, pravieści novyja vybary […];
- pryznać Kaardynacyjnuju radu orhanam, jaki pradstaŭlaje našy intaresy ŭ častcy pieraličanych vyšej patrabavańniaŭ.
Zvarot padpisali 624 čałavieki.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary